PASASALAMAT AT PAGPUPUGAY— Ito ang naging tema ng pagtitipon ng AGRI Party-list at ng mga miyembro ng Farmers and Irrigators Association kaninang hapon sa Brgy. Ipilan-Alitao, Tayabas, Quezon. Kasama ang pamilya ni Cong. Wilbert Lee, ipinaabot ng AGRI ang kanilang taos-pusong pasasalamat sa yumaong kasamahan na si Tiyo Cecilio Dalit at sa kanyang pamilya. Si Tiyo Cecilio at ang buong Farmers and Irrigators Association ay walang pagod sa pagtulong sa AGRI at kay Cong. Lee sa kampanya para sa pagpapaunlad ng agrikultura. Nasa 120 magsasaka ang nakiisa sa programa kung saan ibinahagi ng mga kawani mula sa Bureau of Plant Industry ang mga makabagong paraan sa pagtatanim na makatutulong sa kanilang kabuhayan.